Diadomingo atardi polis a haya informacion di un auto mercedez benz color cora lo a casi causa varios accidente den area di Sabana Blanco pa rotonde otro banda di airport. Segun testigonan e chauffeur lo ta basta burachi debi na e manera cu e tabata core hopi malo.
Mesora patruya di playa a keda dirigi na e sitio y durante nan control no a bin encontra cu e dicho auto. Algun rato despues polis ta bolbe haya yamada di dicho auto mercedez benz, pero e biaha aki lo a dal den un pal’i luz na rotonde di Mahuma.
Mesora a despacha unidadnan policial na e sitio pero tampoco por a encontra cu e dicho auto. Algun rato despues otro informacion ta drenta cu e mercedez benz lo mester ta riba Watty Vos blvd rotonde paperclip direccion Tanki Leendert, pa despues a drenta mondi band’i e dam di Tanki Leendert. Mesora unidadnan policial a presenta na e sitio y aki polis a logra di detene e chauffeur burachi cu a core hopi irresponsabel. Mesora a transporte pa warda di polis.
Den e auto a topa cu un rum cu e homber aki tabata bebe.