Diabbierna atardi bou di e viaduct na Meiveld un homber tras di stuur di un nissan stationwagen a dal tras di un homber riba bais coriendo riba caminda. E homber a dal abou y tabata levemente herida, el a lanta di biaha y a haya ayudo di automobilista cu tabata pasando.
Di biaha nan a yama polis pasobra e homber kier a bandona e sitio y nan a kita e yabi di auto te ora cu Polis a acudi na e siti. E polis di trafico a constata cu e homber ta basta bou influencia y no por ta riba caya mas y a keda deteni hiba warda cu transportwagen.