Diadomingo marduga a sosode un accidente riba ex Sasakiweg Av Nelson Oduber y e chauffeur cu a causa e accidente a intenta di bay pero leu no a yega, poco panort di e rotonde pabou super food a para e auto aki y informa polis. Mientras cu oficialnan tabata atendiendo cu e partidonan pa saca afo kico a pasa e auto hyundai elantra cu ta e causante di accidente a cuminsa pega candela. A solicita brandweer pa presenta cu sumo urgencia.
Polis a saca afo cu e chauffeur di e hyundai a dal basta duro tras di un yaris blanco y asina purba bay pero mas hende a logra di par’e chauffeur.
Brandweer a presenta di biaha y aki bomberonan a domina e candela rapidamente. Polis a pone e chauffeur pasa test di alcohol y aki e chauffeur di e hyundai elantra cu a pega candela a keda deteni.