Diahuebs atardi riba caminda di Lucianitastraat na Madiki chauffeur den un lancer preto a perde control cu su auto y bay den banda contrario dal den un ford explorer. Pa despues el a purba di intenta di bay pero pa su mala suerte a dal den un di dos auto cu ta un toyota prado staciona dilanti un cas. E chauffeur tabata basta bebi y a yama un amigo. E habitantenan a wanta e homber yama polis y roadservice. E homber a logra huy bay for di e sitio cu un amigo pero despues a presenta bek pa para responsabel y polis di trafico na e sitio a constata cu e homber ta bou influencia di alcohol y no tabata por a ni cana bon y a keda deteni hiba warda di Polis pa pasa un test.