Diadomingo marduga rib’e caminda di Kibaima pa Balashi un homber tras di stuur di un mitsubishi lancer a baha caminda y a dal y ranca un pal’i luz completo. Esaki a sosode net rib’e subida y tabatin kabel ta colga riba caminda.
Polis a cera ambos banda di caminda pa evita cu tin trafico y ranca e kabel debi cu tabatin kabelnan di coriente riba caminda tambe. Polis na su turno a pone e chauffeur masculino di e auto pasa un test di alcohol y el a surpasa e limite y a keda deteni y transporta pa warda di Polis Santa Cruz. Personal di Elmar a presenta y a mira e situacion pa e trabounan tuma luga.