Pabou di e rotonde di Hato pa bay Pos Abou diasabra marduga un homber tras di stuur di un hyundai accent biniendo di pabou direccion p’e rotonde Hato a baha caminda pa un of otro motibo y aki a dal basta duro contra un poste di luz ranca esaki y cay den e greppel.
E auto a keda pega den e greppel, e homber a sali fo’i e auto cu su propio forsa. Polis tabata presente y a constata cu e homber tras di stuur di e auto ta bou influencia di alcohol, a pone pasa test n’e sitio mes y a keda deteni debi cu el a surpasa e limite. E auto a keda den e greppel, a notifica personal di Elmar tambe di e situacion.