Diadomingo anochi den Caya Roland Lacle altura di salubridad publico chauffeur di un hyundai getz a perde control y dal frontal cu un palo di luz. E palo di luz a sali for di e tera y keda riba e asfalt wanta. Elmar a presenta pero e chauffeur di e auto a bandona e sitio lagando e auto atras. Polis di departamento di trafico tambe tabata presente y a constata cu e chauffeur sigur a dal su cabes na e windshiel y ta herida. A tuma e auto den beslag, y elmar di biaha a manda yama e truck grandi pa e trabounan necesario tuma luga.