Diabierna anochi riba LG Smith Blvd automoblista a sigui un toyota agya blanco cu tabata core basta malo bay den banda contrario y cu posiblemente e chauffeur lo tabata bou influencia. Yegando royal plaza un patruya a topa cu e auto y a constata cu di berdad e chauffeur ta core malo y a dune un señal pa para. Net pabou royal plaza e chauffeur a para meimei di caminda. Polis a baha atende cu e persona y a constata cu e homber tras di stuur tabata basta bebi y e tabata acompaña cu un amigo cu tambe ta bebi y no por a core auto tampoco. E amigo a keda na pia y e chauffeur a haya un cel pa sosega e curpa cu tabata basta cansa.