Dialuna marduga central ta haya un melding cu un auto lo a dal den un cura di cas na Cumana altura di Bon Dia Supermarket. Na yegada di polis a constata cu di berdad un auto lo a drenta un cura di cas y cu e chauffeur lo ta pega den auto.
A brandweer y ambulans na e sitio. Brandweer ta yega di biaha y mesora ta cuminsa na kita un pida pilar cu tawata colga riba e auto. Despues a cuminsa na corta e auto pa asina por a saca e chauffeur for di e auto.
A tarda basta pa saca e vuctima ya cu e tawata tin masha hopi dolor mes y mester a tene masha cautela pa e sali. Tur cos ta mustra cu e auto tawata bini for di nort y cu velocidad halto sigi straight y drenta e cura. E mata di coco a pone cu e auto no a drenta e cas pero door di velocidad e auto a dobla e mata di coco pone steun riba e dak di cas y causa daño na e dak di cas. Daño material ta grandi. Ambulans a atende cu e victima y a keda transporta pa hospital.