Diabierna pasa di 1:45 atardi den e birada skerpi pariba di Airport via Mahuma pega cu e cura a sosode un accidente basta fuerte unda chauffeur den un lancer biniendo di zuid a perde control bay dal basta duro den un mata di kwihi. E auto a bay pega riba e mata di kwihi den e banda di e chauffeur unda porta, dak y windshield a keda basta destrui.
Personanan cu a mira e accidente a kere cu e persona no ta scapa di e forma con e auto a pega den e mata den banda di e chauffeur y a bati alarma na centro di alarma 911 pidiendo brandweer y ambulans cu urgencia.
E homber a sali milagrosamente na bida for di e auto. Unidad di rescate di bombero, ambulansnan a presenta cu urgencia na e sitio pa brinda asistencia. Paramedico di ambulans a atende cu e homber rapidamente. E homber lo a caba di sambuya, e victima a keda transporta pa hospital pa atencion medico.