Diahuebs den careda di 3’or di marduga riba caminda di Kibaima na Jan Fleming un chauffeur hoben den un nissan march a bolter drenta mondi cu e auto. E desordo a lanta habitantenan di Jan Fleming for di soño cu a reporta di biaha na polis. Patruya ta presenta di biaha y topa cu un pal’i luz ranca y un auto hinca den mondi gebolter. E chauffeur hoben a sali di su propio forsa y e tabata keha di dolornan na curpa. Elmar a keda notifica debi cu e pal’i luz tabata colga y polis a cera e caminda di biaha. Ambulance a presenta unda paramedico a brinda asistencia y a transporta e victima pa hospital.