Dialuna anochi riba e caminda di Sabana Basora e rotonde Pos Chikito direccion nort un dama tras di stuur di un honda biniendo for di nort a perde control den e birada y caminda muha. E auto a baha caminda subi acera y dal den dos yaris cu tabata staciona dilanti un cas.
E auto honda mes a bay pega riba un muraya di un cas. E otro dos yarisnan cu tabata staciona dilanti e cas tambe a haya dañonan material, un di e yarisnan su parti patras akeda full destrui. E chauffeur a resulta herida, ambulance a presenta di biaha n’e sitio unda paramedico a brinda asistencia. Polis di trafico tambe tabata presente pa tuma dato. Roadservice a keda encarga pa asina un takelwagen hiba e honda pa su destino.
