Diasabra anochi riba e caminda principal di Hooiberg pa Sero Biento un chauffeur coriendo un fair lady a sali for d e t-weg pa Sero Biento bayendo abou a perde control cu e stuur, bay den otro banda di caminda y dal semi frontal basta duro contra di un kia sportage y para algun meter leu.
E impacto tabata fuerte unda ambos auto a keda totallos, y ambos chauffeur a resulta levemente herida. Polisnan na e sitio a combersa cu testigonan cu a duna nan declaracion na polis con e accidente a pasa, e señora mes den e sportage a conta e tabata spanta momento cu a mira e auto a sigui bin den su direccion despues cu auto a haci maniobranan di draai y asina a impacta contra di su auto. Personal di ambulance a controla ambos persona na e sitio. Polis di trafico a tuma tur dato di e accidente.