Awe marduga, ta manda patruya den e area di Bushiri, pa un accidente cu a tuma luga y a laga un cas sin coriente.
Aparentemente e chauffeur, cu tabata bin cu velocidad halto, a perde control riba su vehiculo y a baha caminda.
Aki el a mishi cu un pal’i luz y a ranca un bari di sushi spart’e un banda. Na momento cu polis a bay atende cu ne, esaki a bira fresco y a cuminsa resisti cu polis.
No a keda nada otro di detene e homber y hib’e warda p’asina e reflexiona riba su actitud. Mientras tanto e auto riba su mes a haya daño tanto n’e porta banda robes como parti dilanti.