Diadomingo atardi riba caminda principal di San Nicolas net na altura di Cura Cabai ta sosode un accidente cu impacto fuerte unda chauffeur di un pickup a perde control baha caminda dal basta duro contra un pal’i luz.
E impacto a laga e auto totallos y un poste di luz ranca y benta riba caminda. Tabatin kabelnan di coriente tabata colga, polis a cera e caminda completo.
Ambulance tambe a presenta y brinda asistencia medico n’e victima y a keda transporta pa hospital.
Personal di elmar a presenta cu nan trucknan pa eherce trabou completo n’e poste.
