Diasabra atardi den e birada skerpi di Buena Vista chauffeur coriendo den un auto marca toyota a perde control y consecuencia e auto a dal den cura di un negoshi y pa despues e auto a kenter keda den banda.
Tabatin mucha den auto, di biaha habitantenan cu a scucha e desordo a duna un man saca tur hende for di den auto. Polis di biaha a presenta y cera e caminda. Ambulance tambe a acudi n’e sitio unda paramediconan di biaha a brinda asistencia medico na tur presente debi te hasta un mucha chikito tabatin envolvi. Na final roadservice a keda encarga cu takelwagen pa lanta e auto.