Diadomingo anochi den e birada skerpi di Buena Vista na peppep pa Cas di Paloma ta sosode un accidente unda chauffeur a perde control drenta mondi. E desordo a pone habitantenan sali y wak kico a pasa y bati alarma na autoridad debi cu tin un homber herida. Patruya ta yega di biaha na e sitio y topa cu un mercedes benz den e mondi.
Segun e chauffeur un auto a blokie, pero polis di trafico a haci su investigacion y determina cu den e birada tin un lastro di brake basta largo cu ta indica cu e chauffeur riba un velocidad basta halto a perde control y asina maniobra y drenta mondi. Paramedico a atende cu e homber y a keda transporta pa hospital.