Diamars den oranan di mainta den e birada skerpi di Madiki pa Bushiri a sosode un accidente fuerte unda chauffeur di un hyundai eon cora a perde control biniendo fo’i zuid y a dal frontal de un pickup isuzu basta duro. E impacto a laga e homber tra’i stuur di e hyundai herida cu kap na cara. E homber tata sangra bastante, polis motorisa y polis di trafico a presenta di biaha y a cera e caminda.
Ambulance tambe a presenta y unda paramedico a brinda asistencia na e chauffeur di e hyundai, mes momento a controla e chauffeur di e isuzu cu tambe tabata sinti dolor na curpa. Na final takelwagen di seguro a atende cu e autonan destrui.