Diamars marduga riba Av Nelson Oduber ex Sasakiweg un accidente a bolbe sosode riba e mes un caminda cu e dia prome, e biaha aki ta trata di un chauffeur coriendo den un chevrolet equinox A-59885 direccion zuid pariba di Bubaliplas a perde control dal den un palo di luz pa despues dal den un nissan almera.
E impacto a laga e dos autonan kibra y e pal’i luz tambe kibra. Polis a presenta pero e chauffeur di e chevrolet a bandona e sitio lagando e auto meimei di caminda. Polis a combersa cu e señora cu tabata na stuur di e almera y a duna polis descripcion con e chauffeur ta bisti. Polis a tuma e auto den beslag te ora cu un persona reclame na warda di Polis.