Diadomingo mainta varios automobilista tabata testigo di un accidente serio riba Sasakiweg pasando ex house of cheng direccion nort pa rotonde Palm Beach.
Ta asina cu e pickup chevrolet biniendo fo’i zuid direccion nort a bay pa pasa un auto despues di e bakinan y caminda muha a pone cu e tirenan a keda draai y consecuencia e chauffeur a perde control cu e pickup baha caminda y a bolter den un forma violento basta biaha ranca mata di kwihi y bay pega mas paden di e mondi. E homber a resulta levemente herida cu dolornan na curpa. Testigonan a baha di biaha pa duna un man. Polisnan tambe a presenta inmediatamente, ambulance a presenta rato despues y cu ayudo di bomberonan cu a corta e windshield a saca e homber y asina bay cune riba e cama stabilise n’e sitio y transporte pa hospital.
