Diasabra anochi habitante di Savaneta a reporta na autoridad cu un auto a pega den pali luz despues cu a scucha un desordo fuerte. A mira cu ta trata di un auto cu ta ser usa pa drift y drag race.
Polis a presenta di biaha ne sitio y a mira marcanan cu poco pazuid ta indica con e chauffeur a baha caminda na su man drechi y asina subi bek y a perde control bay pega contra di un pali luz cu tin pabou di caminda. No tabatin ningun hende herida, polis a tuma dato, Elmar tambe a presenta pa mira e situacion di e pal’i luz. Habitantenan a informa na Polis cu nan ta cansa cu autonan cu ta core duro den e area aki.
