Dialuna anochi riba caminda principal di Hooiberg ta sosode un accidente unda un dama chauffeur den un yaris a perde control pa un of otro motibo y ta accidenta y cay riba un tereno bashi cu tin banda pazuid di caminda.
Na prome instante autoridad a keda informa cu un auto a bolter, na yegada di patruya di Santa Cruz ta topa cu un toyota yaris riba un tereno roza cu tin. Un meter di awa a keda ranca despues di e accidente, e auto a keda kibra dilanti so, debi ne impacto e dama tabata keha di dolor na curpa y polis a pidi presencia di ambulance pa haci un control ne victima. Personal di WEB tambe a presenta pa atende cu e meter di awa destru cu tabata basha hopi awa riba caminda.
