Diadomingo marduga mientras cu polisnan tabata atendiendo cu un accidente na rotonde Tarabana e oficialnan a capta un hyundai i10 coriendo basta duro biniendo di pabou a pasa e rotonde den verboden y drenta San Barbola tur cu tin.
E patruya a bay su tras di biaha y tabata busca e auto aki y na sali pa bay Sero Patrishi nan a pasa e oficialnan y a bay pa controlanan pero nan a sigui core. Aki e patruya a sigui su tras pidiendo mas patruya pa duna un man. Riba e caminda di Paradera e chauffeur a baha caminda pa e oficialnan.
Aki a bay cu tactica riba e auto debi cu prome polisnan a mira mas hende den e auto. E personanan a saca nan man pafo y asina e oficialnan a logra yega cerca. A cuminsa cu listramento completo y e chauffeur a keda deteni pa core burachi y a tuma un tas den beslag cu contenido ilegal aden.