Diadomingo pasa di 10’or anochi riba e caminda di Brazil pa drenta Bernhardstraat net na altura di Ling Nam pabou rotonde fta ta sosode un accidente cu impacto basta fuerte. Chauffeur di un mazda a yega lora dilanti un kia sportage cu tabata bahando for di pariba. Aki e chauffeur di e sportage a dal den e banda patras di e mazda y a bay para algun meter leu di e accidente.
Ambulance a presenta n’e sitio pa atende cu un persona levemente herida. Polis tabata presente pa mantene parti di e caminda cera debi cu un di e autonan tabata riba caminda. Polis di trafico presente a haci nan investigacion.