Diasabra pasa di 11’or anochi na rotonde di Tanki Flip un hyundai tucson a dal tras di un nissan skyline. Ora cu e chauffeur di e skyline a bay wak kico su auto a haya a mira e chauffeur masculino den e tucson ta cuminsa bati.
Di biaha el a core saca e homber for di e auto cu ayudo di mas hende y a cuminsa cu reanimacion. A solicita ambulancenan pa presenta y polis pa yuda cu e caminda debi cu tabata un accidente tambe. Paramediconan na e sitio tabata reanimando e persona y a pone mashin na su curpa, y cu urgencia a bay cu e victima pa hospital pa atencion medico despues di a haya un ataca di curason tras di stuur. Di biaha a interna e persona den cuido intensivo na hospital. Ta trata di un chef conoci.