Diadomingo marduga den Bernhardstraat na San Nicolas habitantenan a scucha un golpi basta fuerte y a bay wak kico a sosode, a topa cu un tercel cu a dal basta duro den un cura di cas den parti di e pilar. E persona a sali tur na sanger for di e auto subi otro vehiculo y bay lagando e auto meimei di caminda. Polisnan ta yega na e sitio y topa cu e tercel basta kibra y hasta por a tuma nota cu e chauffeur lo a dal su cabes basta duro den e windshield unda te hasta cabey a keda atras. Ta mustra cu e chauffeur su cara y cabes lo ta seriamente herida. A notifica trafico cu a presenta pa haci nan investigacion y departamento forensico. Polisnan a bay controla na centro medico wak si e victima por a presenta eynan.