Un dama chauffer prome cu merdia a bira victima di un caso di hit&run den trafico. El a keda cu basta daño material na su auto.
E dama tabata coriendo den su Vitz riba Druivenstraat den Dakota. Yegando na e crusada di Rondweg, un chauffeur a coy e boch demasiado y a dal den dje. El a sinti un susto grandi, segun e chauffeur. Mas ainda ora cu el a constata cu e chauffeur iresponsabel a sigui core.
No solamente e no a para pa mira ki daño el a causa, pero tampoco pa mira si tabatin hende lesion. E dama chauffeur a keda levemente herida pa cual polis a pidi presencia di ambulance.
Awo lo cuminda un investigacion pa mira kende e chauffeur ta pa e cumpli pa cubri gastonan di reparacion di e auto aki.