Diadomingo anochi riba Emmastraat banda di ex edificio di FPNC un homber coriendo den un toyota yaris a perde control y bay dal den auto contra di un palo di luz. E impacto fuerte a pone cu e homber su cabes a dal den e windshield. E homber a resulta herida y un glas a bay den su wowo, ambulance a presenta y aki paramedico a brinda asistencia na e homber y a keda transporta pa hospital. Polis di trafico tambe a presenta pa tuma dato di e accidente aki, y personal di elmar tambe a yega pa mira e situacion.