Diahuebs atardi net pabou di e rotonde di Tanki Leendert a sucede un accidente. Un Suzuki Liana shinishi bayendo direccion pariba cu velocidad halto ta dal duro tras di un Kia Rio cora y keda pushe te ora e Kia bira 180 grado y sigi lastra e auto.
Chauffeur di e Suzuki Liana a baha for di auto y bandona e sitio. E chauffeur di e Kia a keda levemente herida y haya dolor na su nek. Ambulance a presenta na e sitio pa atende cune. Polis di trafico a presenta y tuma datos di e accidente. Mas despues un dama doño di e auto a presenta y bisa cu su ex casa lo mester a coy e auto cu tawata para den e parkeerplaats na un hotel unda e dama ta traha y fia un amigo y e amigo ey lo a core bay for di e sitio.