Diamars atardi rib’e caminda principal di Pos Chikito pariba di e rotonde un accidente a sosode entre dos auto y consecuencia tabatin persona cu a keda levemente herida.
Polis di trafico y ambulance a presenta di biaha, paramedico a brinda asistencia n’e persona cu tabatin mester di asistencia.
Polis di trafico a tuma dato y a constata cu e chauffeur di e suzuki no a regula su velocidad y distancia a dal tras di e hyundai tucson. A constata cu e tire di e auto ta den mal estado y consecuencia cu esaki lo a pone e auto slip y dal tras di e otro.