Diadomingo mainta riba e caminda di Noord pa Sabana Liber prome cu e birada ta sosode un accidente basta fuerte unda chauffeur femenino di un kia rio a perde control y cay den e greppel cu tin pazuid di caminda.
Polisnan di biaha ta presenta na e sitio y ta topa cu e auto riba su dak, e dama biniendo for di pariba a perde control debi cu ta conoci cu e caminda aki ta bons hopi ora bo core duro y asina a perde control bay cay pazuid di caminda pega den matanan di kwihi.
E dama herida a keda pega den e auto den un forma cu e mes no por a sali riba su propio forsa, ambulance a presenta y cu ayudo di otro coleganan a saca e persona.