Diamars mainta trempan un patruya di Noord pasando banda di e dam di Moko a topa cu un pick-up Nissan cora cu a bolter mei-mei di caminda. Mesora nan a baha controla pero no a topa cu ningun persona na e sitio. Di biaha e patruya a solicita pa un takelwagen pa kite for di caminda.
Mas despues e chofer a cana bin na e sitio ainda cu rasca na su man y un kap na cabes y tawata hole basta fuerte na alcohol. Riba caminda por a nota e rastronan con e tawata zwaai cu e auto y na final ta dal den un baranca y bolter. E ta e mesun pick-up envolvi den un accidente diadomingo banda di Hard Rock y cu e chofer a keda deteni pa core auto bou di influencia. Daño material ta considerabel.