Diadomingo mainta central di polis ta haya un informe cu un auto lo a bolter na altura di Shaba Pastry. Mesora ta dirigi unidad di Noord como tambe di trafico na e sitio. Na yegada di e prome patruya di berdad ta topa cu un Nissan Cube shinishi cu lo a bolter. E chauffeur no tawata herida. E chauffeur ta conta cu e ta bayendo direccion zuid y dado momento un auto sedan blauw coriendo su tras lo a bai pase pero ta dal den su banda y e chauffeur ta perde control baha caminda na su man drechi y bai dal riba un stoepi di cement pa despues bolter. Polis a tuma dato y lo sigi cu un investigacion. Daño material ta hopi.