Diahuebs atardi na e t-weg di La Sallestraat y Kamerlingh Onnestraat chauffeur den un toyota corolla biniendo for di La Sallestraat ta perde control den birada y bolter. Di e impacto a bay dal den palo di luz y kibra e parti ariba. E chauffeur a sali ileso polis a cera e caminda pa atende cu e dalmento te ora cu takelwagen a lanta e vehiculo bay cune. Elmar tambe a yega pa cuminsa cu e trabounan necesario riba e palo di luz.