Un poco prome cu 9’or di mainta ta sosode un accidente na Savaneta, unda cu e chauffeur a bin fayece despues.
Segn por a compronde na e sitio, e chauffeur den e bira lo a perde control pa un motibo of otro y a bay dal den cura di un cas.
El a hala e auto atras, y kier a bay for di e sitio. Pero algun persona cu a wak loke a pasa a dicidi di par’e pa evita cu e ta bay for di e luga. Mesora nan a constata cu el a cuminsa scuma y a bay for di tino.
A yama Polis y ora cu nan a yega na e sitio a pidi ambulance cu urgencia pasobra e chauffeur no tabata mustra bon.
Tur cos ta indica cu probablemente prome cu e accidente el a sinti su curpa malo pa cual el a perde control y cu e impacto di e accidente, el a sufri un ataca y a bin fayece despues.
E chauffeur ta biba den e bario mes, e ta tata di un futbolista y rumannan ta den mundo deportivo mas. E tabatin 56 aña.
Na famia di e fayecido ta bay palabra di condolencia.