Net poco pabou di e rotonde Paradera pa bay Shiribana ta sosode un accidente entre dos auto, polisnan di biaha ta presenta n’e sitio debi a keda informa cu tin persona herida. Na prome instante a kere cu e versa a dal den e lexus, polis buscando informacion a papia cu testigonan y chauffeurnan a saca afo cu e chauffeur di e lexus ta fout.
E chauffeur di e lexus lo a haci maniobra saliendo di e rotonde pa bay abou pa Shiribana a perde control y a dal den e nissan versa biniendo di pabou. E impacto tabata fuerte, e persona den e versa a keda levemente herida.
Ambulance tambe a presenta pa atende cu e persona levemente herida. Takelwagen a atende cu e autonan kibra y hibanan pa nan destino.
