Diasabra marduga riba e caminda principal di Savaneta net pariba di kazerne ta keda registra un accidente di auto basta fuerte unda tin persona herida. E desordo a lanta e habitantenan cu a mira un auto kibra meimei caminda y un cura di cas pazuid di caminda basha abou.
Den e auto e chauffeur tabata herida y sintie malo. Polis y ambulance a keda dirigi cu urgencia pa e sitio. Polis a cera e caminda pa atende y haci investigacion di e accidente. Personal di ambulance a presenta y atende cu e victima di biaha y keda transporta pa hospital. Daño material tabata grandi na e auto y e cura di cas cu a keda basha abou.