Den oranan di marduga tabatin un accidente riba Green Corridor, na altura di Pos Chikito, unda cu un auto lo a dal den vangrail y a bolter.
E impacto tabata basta fuerte y na momento cu patruya di San Nicolas a presenta, un tiki mas pariba di e brug, a bin topa cu e vehiculo.
Esaki a pone cu di biaha polis a cera parti di e caminda y a bay tira un control n’e auto. Ora cu nan a kere cu tabatin hende, esaki no tabata e caso.
E chauffeur cu tabata den auto a bandona e sitio y laga e vehiculo cu su cuater tairanan den laira.
Ta trata aki di un Hyundai, completamente destrosa, tira riba caminda. E chauffeur, biniendo di pabao, tur cu tin a dal contra di vangrail y tambe e separacion di caminda, cu e consecuencia cu a bolter cu e auto, lagando e auto pa su cuenta.
No tabatin ningun herido, sinembargo daño material ta considerabel y pa su cuenta.
