Diamars un grandi parti di Sero Pita, Piedra Plat y bisindario a keda sin coriente, despues cu chauffeur masculino den un pickup a perde control y a baha caminda dal den un pal’i luz. E impacto tabata fuerte cu esaki a laga gran parti sin coriente. Polis a presenta di biaha na e sitio pa cera e caminda, e pickup tabata pega contra e palo. Ambulance tambe a presenta y di biaha paramedico a brinda asistencia na e victima y a keda transporta pa hospital. Personal di elmar di biaha a presenta unda a cuminsa cu e trabounan necesario pa un pal’i luz nobo.