Den oranan di atardi polisnan a mobilisa hopi rapido pa un accidente cu a tuma luga na Tanki Leendert cu a laga algun persona levemente herida.
Informacion ricibi eybou ta mustra cuun Mitsubishi Lancer a dal den un Suzuki Alt, color shinishi. Esaki a sosode net despues cu awa a stop di yobe. Door cu e caminda tabata muha un di e chauffeurnan a haya su mes den un situacion imprevisto.
Parce cu esun di e Mitsubishi a bay brake y a keda lastra pa bay dal den e Suzuki Alto. Den e ultimo vehiculo aki tabatin un menor di edad cu Paramediconan mesora a bay atende cu ne y a hib’e hospital pa control mas profundo. Tabatin en total tres ambulance na e sitio.