E pelotero Charlie Culberson di Atlanta Braves a sufri multiple fractura na su cara despues di a keda alcansa pa un lansamento durante di e partido contra di Washington Nationals na Washington.
Esaki a sosode net na momento cu e la crusa pa toca e bala den e di shete inning di e encuentro y esaki a alcansa na su banda drechi di cara.
Culberson a biaha diadomingo bek pa Atlanta unda el a keda examina pa varios medico pa asina determina kico ta su siguiente stap nan den su tratamento. E pelotero di utilidad a cera golpia na su banda di cara drechi pa un fastball di 91 miya pa ora lansa pa e picher veterano Fernando Rodney. E ekipo di Braves a gana cu score di 10-1 y a sigura nan participacion pa Postseason.