CALIFORNIA, Merca- Charles Manson, e lider carismatico di un culto den añanan 1960, envolvi den un serie di asesinatonan di alto perfil ta den su ultimo dianan.
Segun e revista TMZ, Manson di 83 aña a wordo hiba cu urgencia pa un hospital na Bakersfield, algun dia pasa.
Aparentemente, el a bin ta ricibiendo tratamento desde e dia ey caba, bou di supervision di cinco agente policial.
TMZ ta cita fuentenan cu ta bisa ” Ta cuestion di tempo”.
Esaki no ta e prome biaha cu Manson ta hay’e cerca di morto.
Na January el a wordo hospitalisa pa sangramento interno, y a wordo husga mucho zwak pa wordo opera.
Pero el a bons bek.
Manson a wordo condena pa ta e celebro tras di e asesinato di nuebe persona na Los Angeles na Augustus 1969, incluyendo actriz, Sharon Tate, kende tabata na estado.
El a wordo condena na cadena perpetua.
Mason a wordo laga liber despues di a sirbi un condena di 10 aña na 1967 prome cu el a bay pa San Fransisco.
Su esfuerzo pa bende su mes como un cantautor a faya den e circulonan profesional, pero pronto el a haya un grupo di fans, particularmente muhenan hoben.
Embarcando den un bida di sexo y orgia di droga, e lider carismatico a yama su siguidonan “Famia”, predicando un vision di un inminente guera racial y e papel mesianico cu ta supone cu e lo mester a hunga den esaki.
Su deseo di desata un guera racial, como tambe venga un insultonan di rechazo for di companiannan diskiero, a pone duna ordo na su siguidonan pa cuminsa un serie di asesinatonan cruel.
E mas famos tabata esun di 8 Augustus, 1969 ora cu el a duna ordo na Charles “Tex” Watson, Susan Atkins, Patricia Krenwinkel y Linda Kasabian pa ataca e cas di famia Polanski.
Sharon Tate, na estado di 8 luna, tabata entre esunnan asesina.
Fuente: http://www.fox10phoenix.com