Wilhelmina Kankerfonds cu tin un tema cu hopi hende homber no kier tende di dje pero e ta un berdad serio na Aruba. Y esey ta cancer di prostaat. Dia 25 di Maart lo tin un charla pa cual dia 25 di maart lo tin un charla pa esaki, pa cual Sra. Lily Prins ta amplia mas ariba esaki.
E charla aki lo tuma luga diasabra 25 di Maart, den ALhambra Ballroom. Koninging Wilhelmina Kanker fonds,conhuntamente cu e Fundacion di Prostaat lo tene e charla “Cancer di matriz, Cancer di Prostaat”. Esaki ta un tema hopi, hopi interesante y muy en particular pa tur hende. E persona por ta soltero of casa, pero esaki ta e momento nos kier pa e pareha ta hunto. Pasobra ambos mester conoce kico ta e tema di e topico aki, cu ta un topico cu no ta facil pa acepta, un topico cu ta hopi dolornan ta bin cun’e. Y e ora ey, lo kier enfatisa riba dje. Como ginecologo e biaha aki lo tin Dr. Latur, cu ta un dama y como un Urologo lo t’ey Dr. Leong,,cu ta un specialista nobo den e comunidad aki. Y e charla ta cuminsa pa 9 or di mainta y e entrada ta gratis. Idioma lo ta papiamento.
Sra. Prins ta spera un y tur dia 25 di Maart, den e ballroom di Alhambra, pasobra esaki ta un tema cu nos tur mester sa di dje. E charla aki ta pa tur edad, p a e comunidad Arubano en general. E charla cu Wilhelminafonds ta organisa, ta pa e comunidad en general. Wilhelmina Kankerfonds, ta gradici Dios y gradici comunidad, pa nan existencia. Asina nan tambe lo por yuda, ora cu un persona yega y bati na porta di Wilhelminafonds.
Fundacion Prostaat bou presidencia di Sr. Jurgen Benschop, tambe lo ta presente na e charla. Nan tambe lo hiba palabra, pasobra union ta haci forsa. Y ora cu e fundacionnan ta traha hunto. Mester declara, segun Sra. Prins, cu nan ta hunto cu BOB y hunto cu Mary Joan. Niun ta mas cu otro, pasobra tin un union, pero ora cu un fundacion kier lanta su fondo, pa e haci algo mas amplio ariba dje, e ta haci’e. Sra. Prins ta bisa, cu nan ta iniciando caba den luna di Maart, cu e campaña cu Kongingin Wilhelmina Kanker fonds ta colecta riba caya y fin di aña tin un rifa pa compensa e gastonan cu e fundacion tin. E gastonan ta hopi halto. Maske cu AZV ya tin 10 aña ta trahando cu Wilhelmina Fonds, pero nan mester saca e prome cen pa cumpra e prothese y despues ora e personanan bin busca nan prothese na e fundacion, ta pidi pa bin cu declaracion di dokter. Esaki mester wordo declara na AZV, pa haya nan cen bek pa bolbe hink’e den otro parti di yudansa pa pasashi, pa di dos, e acompañante ora e ta bay exterior. E ta bay pa cuido na cas, dus esakinan ta cosnan cu ta trece hopi gasto cu nan. Tur hende cu ta traha cu Wilhelminafonds ta boluntario. Mayoria di e directiva, cu excepcion di Sra. Prins ta hendenan cu ta traha nan 8 ora di trabao. Sra. Prins ta unico cu no ta wordo paga, pasobra e ta pensionado.
Pero e placa di Wilhelminafonds ta bay pa cumpra material, ora di fia e materialnan despues nan mester wordo renoba ya cu nan ta pasa den hopi man. Danki pa yuda Wilhelminafonds un persona, cu tin biaha niun hende no conoce. Asina Sra. Lily Prins a finalisa bisando.