Diasabra ultimo, AFMAruba a organisa un otro exitoso Charity Bowling Tournament na Eagle Bowling Palace. E biaha aki e ganashi ta bay pa “Protestantse gemeente van Aruba”.
Nan tin como meta pa renoba e edificio di misa. Pa motibo cu e misa mes no por logra esaki cu e contribucion di e miembro nan so, AFMAruba ta kere cu un bon causa asina mester wordo yuda y ta pesey a scoge pa yuda “Protestantse gemeente van Aruba”.
Tabata reina hopi ambiente entre e teamnan compitiendo cu tabata Plus Accountants, Hilton Aruba, Palmera, Imsan, Antraco Copy Plus y Deloitte.
AFMAruba ta gradici tur e sponsor y participantenan cu haci e torneo aki un exito grandi y ta informa pueblo di Aruba pa keda pendiente pa nos proximo actividad pa yuda esnan cu mas tin mester den nos comunidad.