MADRID, Spaña- Champions League 2017/18 diahuebs a pone den marcha e ‘momento di berdad’ cu e sortoe di e ocho gruponan cu lo marcha nan camina pa e final di Kiev. Aki e campeon actual, Real Madrid, lo ta na cabes di e serie despues di a logra su di 20 titulo contra di e club Italiano Juventus na Juni ultimo.
E edicion actual di e maximo torneo continental lo cuminsa dia 19 di Juni cu e sorteo di e dos prome rondanan, cualnan a cuminsa dia 27 Juni ultimo. E di dos eliminatorio tabata dia 11-12 y 18-19 Juli. E di tres tabata 25-26 Juli y 1-2 Augustus. Playoff lo ta dia 15-16 y 22-23 di Augustus. En total a hunga cuater eliminatorio pa completa e 32 participantenan na e torneo aki.
E fase di grupo ta consisti di 6 hornada y lo cuminsa dia 12 di September y lo caba dia 6 di December. E fase eliminatorio lo cuminsa dia 13 di Februari y e final lo ta diasabra 26 di Mei 2018, den e Stadion Olimpico di Kiev.
Algun ekipo importante di Europa a keda afo di e maximo competencia aki. Fanaticonan di Arsenal, Milan, Inter, Olympique du Marsella, Olympique du Lyon, Valencia of Bayer Leverkusen.
Fuente: http://www.goal.com/