Despues cu parada di luz a caba na San Nicolas por a tuma nota cu e ruta a keda tur na sushi di slingers y hopi hende a reacciona negativamente riba media social. Obviamente esaki no tabata e intencion mes di Champagne Carnival group pa susha nos cayanan di Aruba y principalmente pa nos carnaval.
Ta conoci tur aña Champagne Carnival Group ta un grupo creativo y e aña no tabata un excepcion y nan a pensa pa bin cu algo otro. Manera cu nan a publica riba nan facebook page cu no a premira cu e trahe aki lo yena cayanan di San Nicolas cu sushi, sino lo a busca un otro trahe pa e participantenan bisti.
Lienchie ta conoci cu e tin mas cu 25 aña ta aporta na nos Carnaval, y ta un di e gruponan mas grandi den nos carnaval. Lienchi a actua di biaha y a aserca Serlimar, como un disculpa a ofrece Serlimar cu e kier duna un aprecion di gradicimento n’e personalnan cu a traha duro.
Segun informacion cu nos a ricibi ta cu e directora cu e minister Arends a pone den Serlimar cu ta sra M. Geerman a nenga e trahadornan cu tabata pikiendo sushi e momento ey na final di caya di San Nicolas di tuma e gesto di Lienchie debi cu ta “cumpra” e personalnan y cu ta para den LMA, maske cu si wak e ta un gradicimento y no ta algo cu Champagne a haci pa malo, y kier a duna un gesto di graditud pa cu loke a pasa y e trahadornan cu a traha duro di mainta te cu atardi.
Riba e facebook di Champagne Lienchie a pone: Danki na tur hende cu semper ta kere den Champagne Carnival Group y pa boso sosten di semper. Carnaval 70 ta den su last lap, pues ban gosa y engradece esaki tur cu tin!
