Diabierna ultimo Chaco Taekwondo Academy a tene e ultimo examen di aña 2024 pa e Cadet y Juniornan mas avansa. Grand Master Melvin Rasmijn, Yoshmar Wever y Mirelle Dirksz a tuma nota di e examen. E examen a wordo dirigi pa Grand Master Melvin Rasmijn y Master Yoshmar Wever.
Grand Master Melvin Rasmijn y Master Yoshmar Wever a pone hopi atencion ariba e teoria di Taekwondo y e Poomsae forma. Nan tabata e exigencianan di mas importante di e examen, mirando cu e atletanan cu a haci examen ta atletanan cu ta na nivel hopi mas avansa.
Kibramento di palo ta un di e facetnan di examen y esaki tabata un cuki pa e atletanan mas avansa. Chaco Taekwondo Academy lo tuma un descanso pa e luna di December y lo cuminsa cu les bek na luna di Januari 2025.
