Autoridad di e gobiernonan di Aruba y e Republica Bolivariana di Venezuela y dirigentenan di Petróleos de Venezuela, S.A. (PDVSA), CITGO Petroleum Corporation y CITGO Aruba a bini hunto na e entrada principal di e refineria riba nos isla pa e ceremonia cu ta marca e comienso di e actividadnan di CITGO Aruba kende lo bay reactiva operacion di e refineria di 209.000 bari pa dia cu ta para keto desde 2012.
Atendiendo e evento aki tabata e Minister di Asuntonan Economico, Comunicacion, Energia y Medio Ambiente, Mike de Meza, Vice-Presidente di Refinacion, Comercio y Suministro di Petroleo di Venezuela, S.A. (PDVSA) Jesus Luongo y Presidente y CEO di CITGO Petroleum Corporation, Nelson P. Martinez.
Desde awe, e planta, cu Gobierno di Aruba como doño, lo wordo opera pa CITGO Aruba. Durante e ceremonia di awe a desvela e logo nobo tambe di e facilidad.
“E inauguracion di awe ta e culminacion di trabounan extenso cu a wordo haci pa profesionalnan dedica di CITGO, PDVSA y Gobierno di Aruba,” asina Presidente y CEO di CITGO, Nelson P. Martinez a bisa. “E team a wordo guia pa principionan di solidaridad y complementacion pa crea un projecto dinamico cu lo percura pa un balor socio-economico mas miho pa tur partido.”
E refineria lo bay pasa den un proceso di rehabilitacion y ta calcula cu e lo ta completamente operacional dentro di 18 luna pa dos aña. Na momento cu e proceso di rehabilitacion keda cla e facilidad lo proceso crudo extra pisa procedente di e Faha di Petroleo di Orinoco, transformando esaki den un crudo intermedio cu na su turno lo wordo manda pa e red di refinacion di CITGO na Merca pa caba di wordo procesa. Na mes momento naphtha lo wordo bendi cu PDVSA pa usa como diluente di e crudo extra pisa.
“Mas leu di e beneficionan cu e proyecto aki lo tin pa CITGO y PDVSA, nos ta convenci cu habri e facilidad aki bek lo tin un impacto positivo pa e isla di Aruba como un empuhe pa desaroyo economico y lo haci e region mas fuerte,” asina Martinez a bisa.
Mas a leu di e impacto di salario- y sueldonan di empleo local, Martinez a splica cu e projecto aki lo genera mas procuracion di servicionan y material di companianan local y mas turismo.
“Siguiendo principionan di responsabilidad corporativo social hunto nos por crea oportunidadnan significativo pa comercio den e area, gobierno y entidadnan caritativo y mas importante ainda pa nos comunidad,” e’la conclui.
Un tiki mas di CITGO
CITGO, cu oficina principal na Houston, ta refina, transporta y mercadea combustibel di transporte, lubricante, producto petrochemico y otro producto industrial. E compania su doño ta CITGO Holding, Inc., un subsidiario indirecto cu doño principal Petróleos de Venezuela, S.A., e compania nacional di petroleo di e Republica Bolivariana di Venezuela. Pa mas informacion bishita www.CITGO.com.
