Diabierna ultimo e FHTMS a tene un grandioso ceremonia di graduacion den e aula academico di Universidad di Aruba. Den presencia di staff, famia y amigonan, Marinelda Cartaya Farias, Deidre C. Snoijl, Andre Y. Letang y Oliver J. Vieira a ricibi e titulo di Master of Business Administration (MBA).
Despues di e entrada oficial, e decano John Wardlaw a dirigi su mes na e invitadonan cu un speech conmovedor cu na prome lugar a gradici tur e famianan y amigonan presente pasobra sin nan apoyo y sosten e dia grandi aki lo no a yega. Despues ela elogia e graduadonan mes, subrayando e hecho cu nan a merece e honor di gradua, pasobra nan a traha duro pa yega y a surpasa tur obstaculo cu por a presenta durante nan estudio. “Tin biaha e caminda pa jega ta mas importante cu e destinacion final”, ela termina bisando.
Graduado Deidre Snoijl a inicia e asina yama “invocation ceremony” caminda ela anuncia dilanti tur presente cu nan a cumpli cu tur rekesitonan di e programa intensivo aki, incluso defendiendo nan thesis exitosamente. Asina pidiendo e decano pa reconoce esaki y nan estudio, cual na su turno a ser confirma y e ceremonia a culmina cu e parti e ortogamento di e diploma mes.
Tur esnan presenta a disfruta di un anochi ameno, yena cu emocion y orguyo celebrando e logro grandi aki. Decano Wardlaw ta subraya di ta sumamente satisfecho cu e resultado. “Nan a demostra di no tin solamente capacidadnan academico, sino tambe caracteristicanan y actitud pa ta lidernan den nos comunidad. Ta desea cada un di e graduadonan exito den nan futuro.”
Por admira e topiconan di thesis di e graduadonan:
Marinelda Cartaya Farias – Do Social Networking Sites Increase Brand Equity and Purchase Intention? An empirical study of outdoor touring companies in Aruba
Supervisor: Dr. Robin DiPietro
Deidre Charmaine Snoijl – Factors related to Career Advancement of Women Working in Commercial Banks in Aruba
Supervisor: Dr. Sandy Strick
Andre Yvel Letang – Factors influencing Brand Switching in the Mobile Network Operator (MNO) Telecommunication Segment of Aruba
Supervisor: Dr. Kevin So
Oliver Joel Vieira – Ease of Access to Debt Financing for SMEs on Aruba. An Exploration of the Relationship between access to Commercial Loans, Financial Development and the Competitiveness of Aruba
Supervisors: Dr. Ryan Peterson and Dean Wardlaw
Pa wak mas imagen di e anochi aki of si kier mas informashon tocante e programa por bishita www.ua.aw of www.facebook.com/UA.FHTMS
Facultad di Hospitality and Tourism Management Studies di Universidad di Aruba ta reconoce e contribucion unico y strategico di e industria di turismo pa e desaroyo di Aruba y Caribe. E studiantenan ta wordo prepara ariba terenonan pa un carera profesional den diferente ramo.