Diabierna atardi 4 di mei, S.E. Gobernador di Aruba, Sr. Alfonso Boekhoudt a forma parti di e Dodenherdenking Aruba.
Pa 6 or di atardi, a tene dos minuut di silencion pa e victimanan di guera. A recorda tur esunnan cu a perde nan bida durante e di Dos Guera Mundial of cu a wordo asesina. Tambe a recorda esunnan cu a perde nan bida den conflictonan di guera y operacionnan di paz despues di e di Dos Guera Mundial.
Gobernador a pone un krans na e monument na nomber di e pueblo di Aruba.
Despues tabata tin un momento di silencio sigui pa un oracion resa pa pader di Marinierskazerne Paul Vlaar.
Pa medio di un señal, a duna e seña pa e dos minuutnan di silencio. E Taptoe ta un señal di trompet pa comienso di e dos minuutnan di silencio.
A cera e dos minuutnan di silencio door di a toca e himno di Hulanda y Aruba. E musica tabata na encargo di Tamboers en Pijpers di Korps Mariniers.
Siguientemente Chiara Petrocchi a lesa un poesia y Prome Minister Sra. mr. Evelyn Wever- Croes a tene un discurso.
Muchanan di e Padvindersgilde hunto cu e otro e muchanan presente a pone 73 flor na e monument. Dia 5 di mei tabata 73 aña pasa cu e di dos Guera Mundial a termina.
E conmemoracion a termina cu’n desfile cual apertura tabata na encargo di gobernador di Aruba.
Akinan tur esunnan presente por a mustra nan respet na e krans poni na memoria di esunnan cu a fayece durante e di Dos Guera Mundial.
Potretnan ta cortesia di Gabinete di Gobernador Aruba